პროექტის პორტფოლიო

                სწრაფად გაიარა ცხრა დღემ. ტრენინგი ძალიან საინტერესოდ მიმდინარეობდა.  ვისწავლე პროექტის სწავლების ახლებური მიდგომები. დღეს მოვისმინე ჩემი მეგობრების მიერ გაკეთებული პროექტების პრეზენტაციები. ასევე გავაცანი ჩემი პროექტიც. მივეცით ერთმანეთს რჩევები და ავტვირთეთ ჩვენს ბლიგებზე.
ტრენინგით ძალიან კმაყოფილი ვარ. მიღებულ ცოდნას აუცილებლად გამოვიყენებ პროექტზე მუშაობის დროს. პროექტი ხელს უწყობს მოსწავლეებში შემოქმედებითი უნარების, კრიტიკული აზროვნების, ინფორმაციის მოძიების, მსჯელობისა და დისკუსიის უნარების განვითარებას.
               დიდი მადლობა ქალბატონ ირინას დაუღალავი შრომისათვის. მან  ნათლად დამანახა რამდენად მნიშვნელოვანია პროექტული სწავლება სასწავლო პროცესის დროს.

        დღეს პროექტული სწავლების მე-8 დღეა. გავეცანი მეტად მნიშვნელოვან საკითხებს - დიფერენცირებული სწავლებასა და მასწავლებელი, როგორც ფასილიტატორი. გავიგე რა  მნიშვნელოვანი როლი უკავია თითოეულს საგაკვეთილო პროცესში და პროექტის მსვლელობის დროს. ვიმუშავე საკუთარ პროექტზე, კიდევ ერთხლ გადავხედე და ჩავალაგე ყველა დოკუმენტი შესაბამის საქაღალდეში. დღემ მეტად ნაყოფიერად ჩაიარა.
                                                                                                                 

             დღეს ვისწავლე, თუ როგორ შევაფასო მაღალი სააზროვნო უნარები. მოსწავლის ნაშრომები უნდა ფასდებოდეს გარკვეული შეფასების ფორმით,დასახული მიზნების შეფასების ინსტრუმენტი სწორად უნდა იქნეს შერჩეული, ამიტომ განვსაზღვრე შეფასების ფორმები, გავითვალისწინე ჩემს პროექტში შეფასების სტრატეგიები და შევქმენი შეფასების რუბრიკები,  რომლებიც დამეხმარება მოსწავლეების ცოდნისა და უნარების გამოვლინებაში. მოვახდინეთ ერთმანეთში აზრთა გაცვლა-გამოცვლა. მიღებულ ცოდნას აუცილებლად გამოვიყენებ შემდგომი პროექტების განხორციელებაში.

          გავეცანით მოსწავლეთა სავარაუდო ნამუშევრებს, განვიხილეთ სავარაუდო ნაშრომების შაბლონები. საინტერესო იყო მოსწავლეთა ნამუშევრებზე დაკვირვება, რომელიც დამეხმარება პროექტის სრულფასოვნად განხორციელებაში. პროექტის მსვლელობის დროს მოსწავლეთა ნაშრომები დამეხმარება გავარკვიო მათი შემოქმედებითობა და შესაძლებლობები.

      დღევანდელ დღეს გავეცანით უკუკავშირების არსს, თუ როგორ მივცე რჩევები ჩემს კოლეგას, ასევე მისგანაც მოვისმინო, რადგან ხშირ შემთხვევაში სხვისი თვალით დანახული უფრო მეტის მომცემია. ამ მიზნით დავწყვილდით და გავუზიარეთ ერთმანეთს საკუთარი მოსაზრებები.  დავუსვით ერთმანეთს შეკითხვები პროექტების ირგვლივ. მივეცით ერთმანეთს კორექტული რჩევები,რაც სასარგებლო იყო ორივესთვის. დღევანდელმა დღემ კიდევ უფრო გაგვიღრმავა თანამშრომლობისა და კომუნიკაციის უნარ-ჩვევები.

პროექტის განხორციელება აუცილებელია სასწავლო პროცესში, რადგანაც ის ხელს შეუწყობს მოსწავლეებს ჩართულობას, მოტივაციის ამაღლებას, კოგნიტური უნარების განვითარებას, დამოუკიდებლად პრობლემის  გადაჭრის შესაძლებლობებს, განუვითარებს მოსწავლეებს 21საუკუნის უნარებს-ჩვევებს. პროექტი საშუალებას მომცემს სწორად წარვმართო განმავითარებელი შეფასებები,  მოსწავლეებს განუვითარდებათ მაღალი სააზროვნო უნარები.